- Klasikoak 2021eko ibilbide bera izango du
- 224,8 kilometro oso gogorreko ibilbidea izango da, tartean 6 mendate puntuagarrirekin
2022ko edizioak iazko probaren ibilbide bera izango du
Lasterketako antolakuntzak gaur aurkeztu du Donostiako Klasikoaren 2022ko ibilbide ofiziala. Aurtengo ediziorako proposatutako trazadura iazkoaren berdina da, 224,8 km eta 6 mendate puntuagarrirekin. Protagonista handiak Jaizkibel, Erlaitz eta, nola ez, Murgil izango dira.
Txirrindulariek 6 mendate puntuagarri osatu beharko dituzte; Azkarate (hirugarren kategoria) eta Urraki (bigarren kategoria), esaterako, hasierako kilometroetan aurkituko dituzte. Ondoren etorriko dira Alkiza (hirugarren kategoria), Jaizkibel (bigarren kategoria) eta Erlaitz (lehen kategoria) helmugako lerroa igaro aurretik igo beharko dituzte, Murgileko (bigarren kategoria) aldapa gogorretarantz jo baino lehen.
Edizio honetan bitarteko bi esprint izango dira; hain zuzen ere, Hondarribian eta helmugatik lehen aldiz igarotzean egongo dira, Donostiako Boulevardean.
