2023ko ibilbidea

2023ko Donostiako Klasikoa lasterketaren ibilbideak kilometro gehiago eta berriz ere oso amaiera gogorra izango du Klasikoaren lehen zatiak Gipuzkoako kostalde osoa zeharkatuko du, eta nagusiki laua izango da. Toki bikaina da eguneko ihesaldia egiteko.

Lasterketaren bigarren zatian igoerak iritsiko dira, hain zuzen ere Alkiza (3. kat.), Jaizkibel (2. kat.) eta Erlaitzera (1. kat.). Hiru igoera horietan gauzak argi geratuko dira, eta indartsuenek lasterketaren etorkizuna markatuko dute. Aurten Erlaitz helmugatik urrunago dago, baina, auskalo, baliteke handik abiatutako eraso epikoren bat ikustea.

Helmuga zeharkatu behar da Mendizorrotz eta Murgileko igoerei ekin aurretik (2. kat.). Igoeretan Murgilgo igoera zeharkatuko da; laburra da, baina oso aldapa gogorrak ditu, eta faboritoak bereiziko ditu. Murgiletik bigarrenez igaro ondoren, 8 kilometro eskas baino ez dira geratuko helmugaraino, eta, hortaz, oso garrantzitsua da igoera hastean ondo kokatuta egotea. Igeldotik jaitsi ondoren, gogor ekin behar da helmugako lerroraino.

Roberto Laiseka